廣東有三件寶：燒鵝、荔枝、涼茶鋪。

廣東嘅涼茶歷史悠久，源於嶺南地區氣候濕熱，而傳統涼茶可以清熱解毒，同時還去濕生津，清火明目。

喺「老廣州」嘅記憶里， 以前係無小賣部，亦無汽水嘅，只有涼茶鋪，擺着大葫蘆，有時路過，口渴就會放低幾毫子，拿起一碗濃黑嘅涼茶，咕嚕咕嚕飲落去，然後舔下嘴唇，苦中帶甘，就好似茶到病除，老闆通常還會送一小包話梅或者陳皮，飲完茶再食，就消退咗幾分苦味。

喺廣州，無論新舊城區、大街小巷都會有涼茶鋪，甚至有涼茶鋪多過米鋪嘅說法。涼茶鋪一般店面較小，但裏面潔淨，四周牆壁掛着各種涼茶名稱和功效介紹，透出一種古韻。

廣東嘅涼茶講求嘅係對症下藥，對症飲茶。所以涼茶鋪的嘅各個茶壺裏面通常係唔一樣嘅品種。而涼茶最講究火候，一煲涼茶起碼要用慢火煎半小時再焗，喺瓦煲中經過三煎三焗幾個小時之後，藥材嘅精華才會融入到涼茶之中。

廣州日報全媒體視頻記者 甄志良、陸凱聲、劉宇、陳令瑋
廣州日報全媒體文字記者 甄志良、陸凱聲、陳令瑋
廣州日報全媒體編輯：鄺白薇