11月1日，記者走訪廣州國際美食節祈福繽紛世界主體活動現場發現，美食節主會場牌樓旁嘅「滋味番禺」展示屋吸引咗許多路過的市民遊客圍觀影相留念。
番禺扒金山、黑松露燜果園雞、荷塘月色、生拆蟹粉賽螃蟹、古法燒鵝、紅燒爆汁乳鴿、龍林鹽焗海龍王……極具特色嘅菜品令人目不暇接。番禺賓館、滋粥樓、豬肉榮農家廚房、蓮花山粵海度假村、漁民新村等本土知名餐飲店菜品均喺展出之列。
據了解，為咗挖掘番禺每個鎮街的代表菜和地道美食，傳承弘揚番禺飲食文化，今年廣州國際美食節，番禺區喺16個鎮街設置分會場，推出形式多樣、主題多元、獨具地方特色嘅美食活動，評選出「一鎮（街）一名菜」。「滋味番禺」展示屋展示嘅菜品同點心就係番禺16個鎮街選取嘅代表。
番禺，粵菜發源地之一，美食雲集，係「吃貨」天堂。番禺菜秉承廣府菜風格，夏秋講清淡，冬季講滋補，選料豐富廣泛。因而有「食在廣州、味在番禺」嘅說法。據統計，番禺區現有註冊餐飲企業2萬幾家，居廣州市各區之首。從2012年起，廣州國際美食節主會場永久落戶番禺，至今已成功舉辦八屆，完美詮釋同展示咗廣州作為國際大都市豐富多元嘅美食文化同城市形象。
16鎮街16道菜，你食過幾味？
▲生拆蟹粉賽螃蟹（東環街 海朵火山品味·中法融合創新菜）
沙灣鎮出產嘅水牛奶濃度高，營養好，滴奶成珠，香甜可口。搭配農場土雞蛋，再結合當季生拆大閘蟹粉，三者水乳相融，唔似螃蟹勝螃蟹！
▲黑松露燜果園雞（沙灣鎮 8號花園）
嚟自喜馬拉雅山脈嘅黑松露，同山地自然放養的果園雞秘制齊燜，散發住香味厚醇獨特，激活味蕾，讓人一試難忘。黑松露同雞均含多種氨基酸、珍稀微量元素、礦物質同優質蛋白，經常食既美容又養生！
▲荷塘月色（大石街 廣州漁民新村飲食有限公司）
番禺有「蓮藕之鄉」之稱，呢味餸就係採用番禺蓮藕搭配海蝦嘅特色融合菜式。蓮藕粉嫩，有滋陰潤燥功效；生活喺鹹海水嘅海蝦，肉質鮮味，飽滿彈牙，兩者結合令人食出唔一樣嘅美味口感。
▲黃金煎炒鱔（石壁街 莫家塘飯店）
煎焗爽脆鱔作為傳統家常菜，口感外酥內脆，肉質鮮嫩！搭配碧綠名菌菇，鱔腩部位肥而不膩，再搭配芝麻黑胡椒錦上添花，令人一試難忘！
▲簸箕黃金撈雞（石碁鎮 花溪雨森林餐廳）
選用180日嘅海南文昌雞，結合順德魚生做法，配合多種配料一齊食用，色彩鮮艷，讓人食慾大振。這味餸口味清新解膩，又能保留雞嘅原味，一「食」兩得！
▲黑松露海鮮炒飯（小谷圍街 廣州鴻門宴餐飲管理有限公司）
釆用礦泉水煮出來嘅五常米飯，加入營養豐富嘅黑松露粒及鮮活明蝦一起炒，搭配上事先用多種海味秘制而成嘅海鮮醬，透過大廚嘅用心爆炒，味道鮮美，夾雜住米粒嘅Q彈口感，口感層次豐富。
▲番禺扒金山（市橋街 番禺賓館）
「扒金山」係番禺人自創嘅品嘗「土鯪魚」吃法。用銅盆裝滿水，將魚膠堆成山狀放在銅盤裡，水滾後將魚肉扒入滾水，等魚肉熟咗就會浮出水面，染啲胡椒粉、豉油嚟食，鮮甜可口。番禺人幫佢起咗一個好好聽嘅名，叫「扒金山」。番禺賓館大廚對菜式進行咗改良，用剩低嘅魚骨，加埋豬肉、雞一起煲湯，將魚肉喺濃湯中煮熟，原有嘅鮮味被鎖住，唔會流失，而且魚膠表面俾濃湯包裹，味道更加香甜。
▲翠蓮風韻（石樓鎮 廣州市番禺蓮花山粵海度假村）
新鮮蓮子好難得，自然要品其原味，含苞待放嘅蓮花守護住蓮子，呢份愛，最珍貴。成個菜採用時令健康食材，通過象形手法，烹調處理，將蓮花嘅美麗身姿同蓮藕嘅「節節高升」寓意展現得淋漓盡致。
▲姜油鵝掌翼（橋南街 廣州番禺區十二涌漁家餐廳）
採用新鮮嫩口嘅鵝掌翼，配合上等黃薑絲、花生油等材料，通過師傅巧手慢火烹調，利用黃薑絲帶出鵝掌翼的鮮味，外脆內嫩，口感極佳。
▲滷水鵝肝（洛浦街 嶺南潮色漁仔店）
肥美嘅鵝肝洗乾淨瀝水備用，鑊中先放入干輔材：姜、小蔥、八角、辣椒干、老冰糖、八角茴香等傳統潮汕滷水配料，再放入鵝肝慢火鹵。鹵出來嘅鵝肝完全入味，俾滷汁鎖住脂肪同肉汁，染啲蒜粒米醋入口，甘香豐腴，口感芬香醇厚，美味唔膩，仲有連綿不絕嘅回味，營養豐富。
▲二師兄鹵蹄花（新造鎮 立園私廚）
選用優質豬蹄，加入秘制醬汁煮鹵，口感極佳，送酒絕配，回味無窮。
▲龍林鹽焗海龍王（化龍鎮 龍林度假邨）
新鮮食材簡單做法，用烹飪機做出來嘅鹽焗菜品系列。既鎖住海鮮原味，令海鮮更加鮮甜、嫩滑，既品嘗到鹽焗特有風味，又唔失海鮮原有味道。
▲私房馬岡鵞（鍾村街 廣州市梁氏鵝城餐飲管理有限公司）
源於地道馬岡農家菜——芋仔吹鵝。呢味餸出於一戶財主人家，佢嘅廚師將普通農家味道加上自製佐料——香草醬，整出嚟嘅鵝比普通芋仔吹鵝多咗香草味，與眾不同，所以得名「私房鵝」。
▲特色手揸牛骨（沙頭街 犇犇和味骨）
手揸牛骨醬香濃郁，油而不膩，肉肥軟而香醇。要做好手揸牛骨必須要調好鹵湯，而調鹵湯必須要有上好嘅黃豆醬，再按一定比例加入香料，先指做得出呢味餸。
▲紅燒爆汁乳鴿（大龍街 豬肉榮農家廚房）
首先選重8兩、養殖周期一般25日左右嘅新鮮乳鴿，再加埋自家秘制味料上皮風乾。油溫控制在165℃，炸5分鐘即可。正如菜名所講，皮脆爆汁、肉質嫩滑。
▲古法燒鵝（南村鎮 滋粥樓南村店）
選用清遠農家棚鵝，脂肪含量唔高，鵝肉較嫩滑，堅持傳統工藝燒制，搭配獨有秘制醬料，燒好嘅鵝皮卜卜脆，一咬即破，鵝油順流而出，甘香得嚟又唔肥膩，鵝肉結實有鵝味，連骨都入味。
廣州日報全媒體文字記者 肖桂來 通訊員 潘曉均
廣州日報全媒體圖片記者 李波
廣州日報全媒體視頻記者 李波 肖桂來
廣州日報全媒體編輯 趙小滿 王湘