咖啡色叉燒包、黑松露粉果、京蔥肥牛拉腸…創意一盅兩件估佢唔到
语音播报

一盅兩件喺度與時俱進,即便係粉果、叉燒包、拉腸,即便係小小嘅油條,都能夠喺珠江新城盈通大廈嘅廣州酒家裏得到「新生」,而背後嘅總策劃師,正係廣州酒家集團點心出品總監鄭渤。

叉燒包一定係白色嘅?咖啡色亦未嘗不可啊。鄭師傅設計出來嘅叉燒包顛覆咗傳統。脆皮梅子叉燒包,以梅子肉來做餡,食起身酸酸甜甜,非常開胃,天氣熱嘅日子最得人鐘意。嗰層皮,係酥脆嘅。叉燒包越嚼越香,嗰陣面香味,離唔開老面種嘅功勞。

ZXL2020090463.jpg

喺常規嘅粉果裡面,有蝦米、叉燒、菇粒和肉沫。但係呢度嘅黑松露素粉果並無加肉,而係添加咗爽脆嘅杏鮑菇、小瓜粒、提亮色澤嘅紅蘿蔔粒以及紅遍餐飲界嘅黑松露。新鮮和乾貨黑松露各持比例,將嗰种獨特嘅菌香散發喺餡料裡面。粉果亦不再係傳統嘅雞冠形。改變形狀嘅何止粉果,仲有油條,佢嘅名叫「燈籠蛋香油條」,師傅有意將佢炸出燈籠嘅形狀來,添幾分喜慶。外脆內軟,蛋與奶嘅味道混合得恰到好處。

ZXL2020090470.jpg

牛肉拉腸就食得多,京蔥肥牛腸食過沒?肥牛帶著雪花,由於食材係精選過,牛肉味非常濃郁,食起身爽滑唔起渣,而且係唔需要經過醃製嘅,就食嗰份原汁原味。煎過嘅京蔥,香氣逼人。而金湯汁是最為獨特嘅點睛之筆,用法式醋、金瓜汁和靚上湯調和而成,顛覆大家對腸粉醬汁嘅想像,邊個話拉腸一定要要配豉油呢?

ZXL2020090468.jpg

用避風塘嘅做法來表達芋頭糕,亦係第一次見。荔浦嘅芋頭夠粉,加咗腊味和蝦米,切粒後拉油,再用青紅椒、洋蔥、金銀蒜、辣椒碎和麵包糠等一炒,最香濃嘅芋頭糕名號非佢莫屬嘞。

仲有生煎包,不走尋常路嘅鄭師傅就係唔用普通牛肉來做生煎包嘅餡料,佢竟然用咗和牛!常規嘅蚝油或者燒汁都唔使用,反倒選中咖喱,令小小生煎包多咗一層狂野風味。一片飽滿嘅葉子狀,忍唔住要落手,手感几咁柔軟!咖喱牛肉嘅鮮香,軟熟中又夾帶面香……

廣州日報全媒體文字記者:曾繁瑩
廣州日報全媒體圖片記者:莊小龍
廣州日報全媒體視頻記者:曾繁瑩、莊小龍
廣州日報全媒體編輯:鄺白薇