西關永慶坊旅遊區藏著邊D特色非遺文化體驗？水鄉古村、西關大屋、騎樓老街、美食老字號，仲有粵劇粵曲等特色體驗，都集中喺啱啱剛剛授牌嘅國家4A級景區西關永慶坊旅遊區，其中有唔少體驗，連地道嘅廣州人都唔知。
近日，廣州市文化廣電旅遊局聯合荔灣區文化商旅發展中心舉辦廣州市西關永慶坊旅遊區非遺文化體驗踩線活動。據廣州日報全媒體記者了解，未來廣州文旅部門會進一步提升永慶坊旅遊景區品牌影響力，促進廣州城市旅遊線路產品與非遺文化嘅深度融合，並打造以永慶坊旅遊區為焦點嘅精品旅遊線路，推動文化同旅遊消費升級。
遊船感受街區風情新晉國家4A熱度升 景區游徑串起美景
作為廣州市文化廣電旅遊局和荔灣區政府共同打造嘅文旅融合典範項——廣州市西關永慶坊旅遊區，於8月22日成功掛牌成為國家4A級景區之後，熱度持續升溫，成為唔少遊客感受老廣州文化風貌嘅好去處。而由於呢個旅遊區的配套設施成熟，對於遊客嚟講，探索嘅最佳方式係步行。
廣州日報全媒體記者喺實地踩線中了解，永慶坊旅遊區內嘅重點景觀包括泮塘嶺南水鄉古村、西關大屋、騎樓老街、美食老字號、粵劇粵曲、三雕一彩一繡，以及傳統民俗節慶等各種文化元素。其中，景區游徑串聯起5處歷史文化街區，包括逢源大街-荔灣湖、昌華大街、恩寧路、多寶路、寶源路，核心區域涵蓋咗永慶坊、粵劇藝術博物館、荔枝灣。記者體驗游徑之後覺得，呢個區域既可以了解廣州的歷史，又可以體會到地道嘅老廣州生活味，而唔少街區通過微改造之後，又相當有網紅打卡地嘅氣質。
喺踩線過程中，參加活動嘅部分旅行社負責人對永慶坊片區印象深刻，認為永慶坊成為廣州新晉網紅打卡點當之無愧，而呢個區域亦好有值得挖掘嘅巨大市場潛力。喺遊覽過程中，一啲喺廣州出世大個嘅本地人都紛紛感嘆，宜家嘅西關永慶坊旅遊區已經今時吾同往日，入面呈現嘅好多非遺文化體驗佢哋都唔知道，值得帶屋企人同朋友再嚟行多次。
泮塘五約區域充滿生活味「步步驚喜」：非遺街區品味廣州百年市井氣息
作為呢次踩線活動嘅重頭戲之一，廣州重點打造嘅首個非遺文化街區備受關注。廣州非遺街區（永慶坊）匯聚了廣彩、廣繡、琺瑯、骨雕、欖雕、醒獅、餅印、簫笛、古琴等10個具備較強創新意識和市場運營能力等項目嘅非遺大師工作室，係集體驗互動、展示同銷售於一體嘅主題街區。行喺呢個極具嶺南特色嘅街區入眠，遊客唔單止可以了解嶺南非遺文化嘅故事，仲可以參與互動體驗，選購豐富精美嘅非遺手信。業內人士認為，非遺街區將成為遊人品味廣州百年老街市井氣息、體驗嶺南文化藝術魅力嘅「新窗口」。
記者了解到，永慶坊二期正加快推進招商運營，將導入各類非遺、手作、特色餐飲、個性民宿、小型演藝、影視等文旅創意經營項目，以傳統與現代融合為特徵嘅時尚消費將成為該區域夜間經濟嘅特點。屆時，遊客夜遊到此可體驗廣府文化盛宴，品茶、聽書、看戲、評曲、鑒玉、賞花、遊船、學藝、習武、撫琴、弄紗，極具廣州風情。
微改造盤活傳統街區 精緻小店看點多
行入荔灣湖公園入面嘅泮塘五約區域，呢兩年經過微改造，面貌已經有咗新變化。越嚟越多特色商家進駐，以開設精品小店嘅形式，為泮塘五約帶嚟唔一樣嘅風情。音樂咖啡館、紫檀盆景、銀器漆器以及各種手工藝店鋪，每一家都各有睇頭。
精緻小店打造咗唔少微景觀。齊雅集嘅店主人齊峰，經常喺店裏面為遊客同居民展示瓷器修補手藝，佢隨手攞起一個精心修補好嘅紫砂壺，向記者展示紫砂壺修補嘅技藝：「宜家越嚟越多遊客到泮塘五約行街，好多係專程嚟嘅，不特指是遊客，仲有唔少街坊，行過路過都會入嚟傾下偈。」齊峰說，自從將小店開入泮塘五約區域之後，人氣就慢慢旺起來身，雖然前幾個受疫情影響遊客少咗，但呢兩個月到店嘅遊客明顯增加：「我估算下，每日喺我店門口影相打卡嘅至少有200幾人，周末就更多嘞。」齊峰話，進駐嘅小店都各有特色，社區喺篩選小店嘅時候都會考慮到差異化，各家店主亦都會互相推薦客人：「比如有客人喺我店入邊了解銀器、紫砂壺呢些工藝品，我亦會根據客人嘅興趣點，推薦佢哋去其他小店行下，希望一個客帶動起五六家消費。」
齊雅集店主展示手工作品廣州日報全媒體文字記者 陳薇薇 王維宣 通訊員 穗文廣旅宣
廣州日報全媒體圖片記者 陳薇薇 王維宣 通訊員 穗文廣旅宣
廣州日報全媒體視頻記者 陳薇薇 王維宣 通訊員 穗文廣旅宣
廣州日報全媒體編輯：鍾達文 王湘