佔地76公頃，

集聚10間非遺大師工作室，

最具「老廣」風味嘅

廣州首個非遺街區22日開市！

永慶坊4A景區都掛牌啦！！

快D來「趁墟」啦！

▲8月22日上午，永慶坊4A景區授牌儀式暨非遺街區開市活動喺粵劇藝術博物館普天樂廣場舉行。

▲開市活動喺粵劇藝術博物館前廣場舉行。

▲十位非遺傳承人上台接受頒發「廣州非遺大師工作室」牌匾。

最嶺南景區，廣州再添4A景區

廣州市西關永慶坊旅遊區為5處相連成嘅歷史文化街區，即逢源大街-荔灣湖、昌華大街、恩寧路、多寶路、寶源路歷史文化街區，核心區域主要包括永慶坊、粵劇藝術博物館、荔枝灣三大標誌景區，區域內文化旅遊資源豐富獨特，係老廣州文化風貌最典型嘅代表街區，面積約76公頃。

最廣州嘅西關大屋騎樓街，最嶺南嘅粵劇藝術博物館、荔枝灣涌，最地道嘅廣州小吃……自2019年9月啟動國家4A級景區創建工作，西關永慶坊歷時近10個月，順利通過國家4A級旅遊景區創建驗收。

非遺街區開市，跟著大師「花樣」體驗非遺文化

廣州日報全媒體記者喺現場見到，非遺街區有廣彩、廣綉、琺琅、骨雕、欖雕、醒獅、餅印、簫笛、古琴等10個項目進駐。10間非遺大師工作室集展示、展銷、體驗、傳承、交流、培訓等功能為一體，總有一項功能滿足流連景區嘅你。

▲非遺街區導覽圖及非物質文化遺產傳承人名錄。

▲非遺街區開市，不少街坊前來「趁墟」。

滿滿廣州情懷嘅

「老西關」變身

都市生活×歷史文化

融合新體驗

一齊來睇睇啦

▼▼▼

◆  广彩  ◆

▲參觀者被廣彩作品吸引

▲小朋友觀看廣彩製作過程。

   ◆  趙家獅   ◆

「哇，機械人獅子會打鼓！」趙家獅非遺生活館裏，喺工作人員同步操作下，醒獅裝扮嘅機械人獅子打起鼓，引來大小遊客齊齊圍觀。

▲趙家獅非遺生活館。

▲非遺項目廣東醒獅。

另一邊，仲有遊客好奇噉戴上VR眼鏡，化身醒獅高手，沉浸式體驗醒獅魅力。呢個生活館仲提供咖啡等飲品食物，體驗之餘，可以喺落地窗邊坐下低，愜意感受街區風情。

▲廣東醒獅製作展示。

▲市民喺非遺大師工作室內參觀。

◆   廣綉   ◆

喺廣綉體驗館，非遺傳承人陳少芳嘅孫女譚靖榆向記者演示廣綉技藝。

譚靖榆表示，永慶坊呢兩年已經成為富有廣州特色嘅網紅打卡點 ，通過喺街區開設廣綉體驗館嘅方式，可以將廣綉介紹俾更多遊客，「遊客進入我哋嘅廣綉體驗館後，工作人員會向佢哋簡單講解廣綉歷史和特色，如果有興趣，仲可以現場坐低免費體驗，學穿針引線、體驗廣綉。」譚靖榆表示，希望以廣州首個非遺街區永慶坊嘅廣綉體驗館為窗口，增加遊客對廣綉和本土非遺文化嘅興趣。

◆ 其他  ◆

▲嶺南古琴術工作室內嘅古琴演奏展示。

▲牙雕傳承人張民輝的作品展示

▲廣州欖雕作品

廣州日報全媒體文字記者：陳薇薇
廣州日報全媒體圖片記者：廖雪明、陳薇薇
廣州日報全媒體視頻記者：廖雪明、陳薇薇
廣州日報全媒體編輯：鄺白薇