上個周末啱啱結束嘅《妻子的浪漫旅行4》廣州篇入面，大家有冇發現妻子們pick嘅民宿喺一個特別眼熟嘅地方呢？

圖片來源於芒果TV網絡版截圖

圖片來源於芒果TV網絡版截圖

冇錯，妻子們下榻嘅宅院就係隱藏喺荔灣區聚龍古村里嘅「源汀」，呢座匿埋喺清代古村中嘅宅院，被稱為活着嘅家私博物館。

喺呢度，全國各地嘅老家私喺嶺南老宅入面重新煥發活力，古典嘅裝潢藝術同現代嘅貼心服務完美融合。

聚龍村5號院係曾經富甲一方嘅鄺氏家族嘅府邸，其後人宜家分佈喺北美、澳洲、香港等地。宜家，呢度草木依舊繁茂，歲月切片如輪，喺新時代迎嚟新生。

照片由源汀宅院提供

源汀喺聚龍古村有兩處產業，分別喺聚龍村5號和12號。5號樓重點打造可居住嘅家私博物館，而12號樓則提供餐飲、休閒等服務。

照片由源汀宅院提供

宅院入面一共有六套唔同主題嘅客房，以金磚、漆器為主題嘅兩間茶室既是展品嘅體驗展示區，又可以舉辦各類聚會、主題活動，畀你感受到唔同年代老家私嘅獨特體驗，體會「穿越」嘅愉悅。

喺呢度，嚟自陝西嘅長安大櫃靜靜佇立，嚟自山西嘅廟椅唔再蒙塵，幾百年歷史嘅大床重新張開懷抱……呢啲老家私被修復、被使用，畀每一位到訪源汀嘅旅客都可以去觸摸、去體驗、去感受。

修復如初後，長安大柜上嘅細節清晰可見

喺未修復前，廟椅並唔係宜家噉樣嘅，而是一捆捆嘅，一共39捆。修復之後，大家先至發現，呢啲廟椅上面有元末明初時先可能出現嘅圖案。

舊家私背後嘅的故事：維波樓

源汀宅院嘅古家私，緣起於一對跨國夫婦：哈維先生、小波女士。幾十年嚟，佢哋一直致力於舊家私嘅修復同保護工作。近到一百多年，遠到六七百年，呢啲從各地收返嚟嘅舊家私喺佢們嘅修復下，重新呈現出原本嘅模樣。佢哋講呢啲舊家私同西方家居設計元素結合，另佢哋呈現出更加符合現代審美嘅體驗空間。

中國畫院院士、著名畫家黃永玉為哈維、姚小波嘅呢個「家」題名為「維波樓」。

源汀宅院主理人韓沖介紹，當年正係畀哈維夫婦「修舊如初」嘅精神所打動，機緣巧合之下，開始咗源汀嘅旅途。

喺源汀，被修復如初嘅舊家私發揮住原有嘅作用，更多嘅係融入咗創新設計，另已經冇辦法喺現代生活中運用嘅家具重新得到利用。將陶瓷設計成枱燈、將馬架裝上玻璃做成咖啡桌、將冇辦法使用嘅西關大門變成餐枱……既有文化韻味，又有獨到嘅創意設計，每一個角落都可以邂逅驚喜。

源汀宅院本身即係一道亮麗嘅風景，坐落喺旅遊資源豐富嘅荔灣，更另居住喺呢度嘅旅客擁有豐富嘅旅行選擇。源汀主理人韓沖介紹，源汀嘅「管家」會為住喺呢度嘅旅客們推薦定製極具嶺南特色嘅旅遊路線，另旅客們能夠自源汀起，遇見荔灣，了解荔灣，愛上荔灣。

照片由源汀宅院提供

同樣也有上百歲年齡的毓靈橋在源汀步行距離10分鐘處（照片由源汀宅院提供）。

因為疫情影響，源汀宅院暫時唔開放參觀活動，想嚟體驗嘅遊客可以喺「源汀宅院」公眾號預約住宿、私宴、下午茶等活動。

源汀宅院交通路線

地址：廣州市荔灣區大衝口街聚龍古村5號院

① 地鐵出行：一號線 花地灣站A出口 或 廣佛線 沙涌站C出口，步行15分鐘至「聚龍古村」5號源汀

② 駕車出行：芳村大道東——大衝口沿河衝進入——聚龍停車場——出停車場往右方步行50米至「聚龍古村」5號源汀

地圖搜索：荔灣區「聚龍古村」或「聚龍古村停車場」

【記者 李欣煦】

【攝影 陳文杰】

【編輯 子禾】

部分照片由源汀宅院提供

部分圖片來源網絡，如認為存在侵權，請憑權利證明材料聯繫作者處理，謝謝！

廣州日報全媒體編輯 王湘