蔚藍天空下，即將成熟嘅稻田喺微風下一層層稻浪起伏，放眼望去係一片即將豐收嘅田園風光。呢度係廣州人和鎮嘅鎮湖村，位於流溪河綠道旁嘅2000畝農田，其中近300畝用來種植水稻，而家成為一個吸引遊客嘅網紅打卡地，每到周末，都會吸引上千人來影靚相。

三年來，日益增加嘅遊客量，令鎮湖村睇到呢度發展鄉村旅遊嘅潛力，並且即將打造成流溪灣鄉村旅遊綜合體。目前，初步方案已經出爐。

稻田成網紅景點，激發鄉村游潛力

人和鎮鎮湖村沿流溪河綠道共有近2000畝連片農田，自古以來都係鎮湖村民賴以生存嘅糧食產區。「細細個呢度就係種水稻，是成條村生產糧食嘅所在地，我哋小時候仲要落田插秧，收割水稻。」村民阿蘭回憶，隨著經濟不斷發展，改革開放後，村民逐漸洗腳上田，呢片農田都出租俾外地人種菜。「以前嗰種可以聞稻香、聽蛙叫嗰場景，慢慢見唔到嘞。」

鎮湖村相思街網紅稻田

「自從土地開始分塊出租，唔單只田間出現咗很多窩棚，而且土地也被過度使用。」鎮湖村村委會副主任楊岳鎏介紹，2018年，政府投入2000多萬元人民幣，對呢片農田進行土壤改良，並引進專業農業公司，將其中近300畝地重新種上有機水稻，通過種植水稻改良土壤。

冇諗到嘅係，由於地塊就喺流溪河綠道旁，加上緊鄰機場高速出口，三年來，呢度嘅農田從一塊普通農田變成網紅景點。每日都有專人來呢度影相，甚至有婚紗影樓已經將呢度作為取景點。「雖然無任何旅遊服務設施，但節假日每日都有上千人過來影相，最近早稻就快要成熟，人更多，特別係傍晚時分。」楊岳鎏介紹。

網紅稻田吸引了不少人前來打卡

呢片農田被兩條機耕道分成三塊，一眼望過去似乎望唔到頭。由於水稻即將成熟，整片稻田呈現出綠中帶黃嘅顏色。中午時分，藍天白雲配上稻田，影相真係靚到DUM一聲，唔少攝影愛好者專程過來影靚相。

稻田帶來嘅高人氣，超出鎮湖村村委會嘅預期，亦令佢哋見到現代都市農業嘅潛力，開發鄉村旅遊被提上日程表。

消失中嘅舊墟，蘊藏著華僑文化

除咗擁有流溪河畔嘅連片農田這個天然優勢，鎮湖村仲擁有蚌湖舊墟呢個人文優勢。解放前，由於原蚌湖地區嘅碼頭設於此地，自然形成咗一個經濟文化中心，至今已有過百年歷史。

廣州市歷史建築

「解放前，流溪河上嘅橋好少，如果我哋要去市區，行水路係最方便嘅，呢度就係唯一嘅碼頭。」村裡面嘅老人回憶，鎮湖村嘅華僑多，很多華僑喺國外賺咗錢，就選擇喺碼頭附近建房子，所以就形成咗蚌湖墟，係當時蚌湖地區最富裕嘅地區。偌大嘅蚌湖墟，有劇院、銀行、道觀，醫院、學校等，可以滿足當時人們喺呢度所有嘅生活需求。

喺眾多舊建築仲，仍可窺見當年蚌湖墟嘅繁華。

經歷百年滄桑，原本車水馬龍嘅碼頭早已不復存在，蚌湖墟中混合咗西洋風和嶺南風嘅建築也逐漸閑置，甚至變成廢墟，鮮有人居住。

許多古老建築已經閑置。

如今，大部分建築仍然可以睇得出當時嘅模樣，各街巷也基本完整保留，目前蚌湖舊墟已經成為廣州市嘅歷史文化遺產。「而家蚌湖舊墟保留嘅建築群規模仲係很大，佢見證咗蚌湖地區嘅變遷，而呢D建築也係蚌湖地區華僑文化嘅體現。」楊岳鎏介紹，將蚌湖舊墟開發利用，令佢重新煥發生機，是村裡一直以來嘅期盼。

除了舊墟，附近嘅著義小學、72中鐘樓等，都集中展示咗人和鎮嘅百年華僑文化。

當前，鎮湖村已經確定要打造流溪灣鄉村旅遊綜合體發展道路，以農耕文化+文旅產業融合嘅方式，成為人和鎮又一個鄉村游名片。

農耕文化體驗：

「初步嘅發展方案已經出台，具體仲喺度進一步完善。」楊岳鎏介紹，農耕文化方面，前期將規划上千畝農田，喺現有稻田嘅基礎上再升級。計劃開發五大種植區域，包括水稻、花卉、蔬菜、綠植種植等，開發集農業觀光、田園度假、農耕文化、農產品會展商務、農業科普旅遊等於一體嘅農業公園等，滿足遊客觀賞、採摘、攝影等不同需求。「我哋已經喺度籌劃美化稻田周邊嘅環境，水稻田中間嘅機耕路將打造成花路，讓遊客有更多嘅體驗。」

華僑文化小鎮：

離稻田區域唔遠嘅蚌湖舊墟，也將打造成佔地約100畝嘅華僑文化小鎮，重點打造華僑博物館、鄉村民宿、美食街、文創街、蚌湖墟、華僑文化小鎮戲院、玉虛宮、華僑文化廣場等。「華僑文化小鎮主要發展文旅產業，集中展示人和鎮幾百年來嘅華僑文化。」楊岳鎏介紹，目前鎮湖村已經與相關企業進行合作洽談。

美食鄉村文化：

鄉村旅遊離唔開特色鄉村美食，目前，鎮湖村已經開始收集整理蚌湖地區甚至整個人和地區嘅傳統美食。「呢D傳統美食，我哋希望能夠變成為吸引遊客嘅亮點。」楊岳鎏表示，除咗美食，當地仲有龍舟文化等，都將成為未來鄉村遊嘅特色。

廣州日報全媒體文字記者：湯南 通訊員 雲宣、楊黛清、朱文
廣州日報全媒體圖片記者：莫偉濃、湯南 通訊員 譚札烽
廣州日報全媒體編輯：鄺白薇