新華社香港6月7日電 （記者丁梓懿 閔捷 林寧） 香港海洋公園生活著三隻大熊貓：正值壯年的「小兩口」盈盈、樂樂，還有已經步入高齡的安安。佢哋先後從內地來到香港長期生活，成為海洋公園嘅「鎮園之寶」。雖然因為疫情海洋公園已經關閉幾個月，但三隻大熊貓依然受到飼養員嘅精心照料，喺院舍生活得怡然自得。

為咗確保大熊貓們嘅健康，海洋公園十分注重衞生安全。據香港海洋公園陸生動物部監督殷漫萍介紹，佢哋會做足消毒工作，勤洗手，戴口罩，避免交叉感染。

香港海洋公園嘅熊貓館（5月11日攝）。新華社記者 吳曉初 攝

喺香港海洋公園，大熊貓「安安」歎美食（5月11日攝）。新華社記者 吳曉初 攝

一天15公斤竹子 「大胃王」熊貓吃相最萌

當殷漫萍將海洋公園嘅竹子冷藏室打開嘅時候，滿滿一屋子翠竹出現喺記者眼前：各種竹子應有盡有，恆溫7℃，仲配有灑水係統保持新鮮濕潤……

海洋公園每周分兩次從廣州運來新鮮竹子，香港本地亦有竹林，可以隨時補給，保證竹子新鮮且充足。

香港海洋公園陸生動物部監督殷漫萍接受新華社記者採訪（5月11日攝）。新華社記者 吳曉初 攝

香港海洋公園陸生動物部監督殷漫萍介紹熊貓食物竹子嘅儲存（5月11日攝）。新華社記者 吳曉初 攝

殷漫萍與大熊貓朝夕相處已經五年半，照顧佢哋嘅日常起居。早晨上班後，佢首先要清理大熊貓「臥室」裡面嘅糞便和食剩嘅竹子，清理完畢後仔細消毒，然後幫佢哋準備一天嘅飲食。

「我哋要保證大熊貓24小時都可以食到新鮮竹子，仲要同佢哋配備其他補充品。」殷漫萍話，大熊貓一日食10至15公斤竹子甚至更多，而公園會每日提供30至35公斤。此外仲有竹葉球、竹葉粥、纖維餅幹，蘋果、香梨等水果和紅薯、南瓜等雜糧。

記者來到海洋公園展區，見到憨態可掬嘅安安正悠閒咁享受着面前嘅美食。來自四川成都的佢馬上就34歲嘞，這相當於人類嘅102歲。

大熊貓「安安」來到香港海洋公園展區（5月11日攝）。新華社記者 吳曉初 攝

咪睇安安年紀大，胃口一啲都唔細。佢一口氣就食咗5個竹葉球，然後攞起春筍一條接一條嚼起身，食到攰就仰面瞓低繼續食，盡顯「吃貨」本性，非常得意。

除咗美味嘅食物，大熊貓嘅住宿環境亦相當考究。公園將大熊貓展區和「臥室」打通，佢哋每晚都可以選擇自己鐘意嘅地方瞓覺。「臥室」唔單只寬敞舒適，水源充足，仲設有天窗，可採納自然光。

呢啲「貴賓」仲享受著健全嘅醫療條件。海洋公園每日都會進行日常護理，同熊貓測量體溫，並通過房間內個攝像頭密切監測佢哋嘅身體狀況。一旦大熊貓健康出現問題，海洋公園會馬上與獸醫團隊聯係，對大熊貓進行檢查。

熊貓「使者」和佢哋背後嘅保育團隊

今年4月6日，盈盈和樂樂首次成功自然交配，令海洋公園嘅工作人員和熊貓迷欣喜不已。殷漫萍話，海洋公園2015年將盈盈送返四川學習點樣自然交配，盈盈回港後與樂樂嘗試自然交配。

往年大熊貓進入發情期，中國大熊貓保護研究中心都會特意派員來港，為公園動物護理和獸醫團隊提供協助。殷漫萍説，今年因為疫情，佢哋無法來港，不過雙方很快制定咗相關方案，確保後續程序順利進行。

香港海洋公園陸生動物部監督殷漫萍喺熊貓廚房介紹熊貓食物嘅製作（5月11日攝）。新華社記者 吳曉初 攝

殷漫萍喺熊貓廚房介紹對熊貓嘅訓練（5月11日攝）。新華社記者 吳曉初 攝

咁多年來，海洋公園一直與四川保持密切聯係，雙方經常分享工作心得和最新資訊。據殷漫萍介紹，盈盈和樂樂當年來港時，有一批四川專家和保育員隨行。佢哋喺香港逗留幾個月，協助海洋公園照顧年幼大熊貓。

大熊貓促進咗內地和香港間嘅交流。2008年汶川大地震後，香港給予支援，援建中國大熊貓保護研究中心臥龍神樹坪基地和都江堰基地。為感謝香港嘅幫助，呢兩個熊貓基地向香港市民永久免費開放，川港兩地學生仲經常進行互訪。

2019年8月，700多名香港青年喺四川參加「四海一家·川港同行」青年交流團活動，見證咗中國大熊貓保護研究中心都江堰基地將剛出生嘅龍鳳胎大熊貓命名為「四海」及「一家」，表達對川港友誼嘅祝願。

喺香港海洋公園展區，大熊貓「安安」走向美食（5月11日攝）。新華社記者 吳曉初 攝

探索生態保護 大熊貓係個「好老師」

喺生態保育方面，海洋公園一直十分重視。

「與大自然親近，在歡笑中學習。」喺海洋公園嘅官網，寫著咁樣一句話。要延續人類和大自然嘅關係，就要由教育開始。香港海洋公園1992年開始提供各類教育活動，至今已有超過100萬學生參與活動。其中，以大熊貓為主題嘅教育課程最受遊人與學生歡迎。

喺香港海洋公園，大熊貓「安安」坐喺小山坡上吃竹葉團（5月11日攝）。新華社記者 吳曉初 攝

香港海洋公園嘅工作人員為大熊貓“安安”擺放食物（5月11日攝）。新華社記者 吳曉初 攝

「海洋公園內經常安排互動遊戲，讓青少年喺寓教於樂嘅旅程中，多了解動物面對嘅威脅，將保育意識薪火相傳。」殷漫萍介紹，小朋友可以走入國寶居所，學習照顧大熊貓嘅起居生活，近距離觀察大熊貓訓練示範，呢個遊戲特別受小朋友歡迎。

此外，學生們仲會遠赴四川，深入探索野生大熊貓保護區，體驗大熊貓飼養員工作，感受大自然嘅奇妙。

「市民肩負著保育大熊貓嘅使命。」殷漫萍話，喺親身同大熊貓接觸後，人們會從中學習如何保育大熊貓。

大熊貓“安安”喺香港海洋公園展區（5月11日攝）。新華社記者 吳曉初 攝

在香港海洋公園，大熊貓「安安」享用美食（5月11日攝）。新華社記者 吳曉初 攝

5月上旬，海洋公園宣布公園現金流瀕臨枯竭，如無資金資助，最快將於6月倒閉。特區立法會財委會召開多次會議討論，終於喺5月29日嘅第四次會議上通過逾54億港元撥款。海洋公園獲得撥款後，未來將面臨轉型，其中包括鞏固並發揮教育、保育優勢，致力於有關研究及推廣。

關於轉型相關事項，大熊貓何去何從成為城中熱議之事。「大熊貓係香港嘅無價寶，為人們帶來保育、教育、康樂價值。佢哋會繼續留喺呢度，為我哋帶來歡聲笑語。」香港特區立法會旅遊界議員姚思榮話。

來源：新華社
廣州日報全媒體編輯：鄺白薇