提到海南，大多數人最先諗嘅可能就係椰子。大片椰樹，結滿曬椰子，行喺椰子樹下面，一個唔好彩，差D就「中頭獎」。海南人對椰子嘅開發利用可謂竭盡全力，從美容嘅椰子油，到美食嘅椰子肉、椰子汁等等。你睇下，椰子雞煲就喺廣州遍地開花。椰子嘅吃法遠遠唔止呢D。近排，麥志雄師傅甄選海南時令食材椰子，精心薈萃一系列清爽開胃嘅瓊州滋味，喺廣州愉粵軒餐廳就可以食得到，賞味期到6月8號。

椰香三層肉，既係招牌經典，又係融合海島風味嘅新意菜。三層肉係傳統粵式燒臘中嘅經典菜式之一。麥師傅特別揀豬腩肉嘅精華部位，每一件都有標準尺寸，唔多唔少就是5X5厘米，就係為咗保證肉質均勻。而揀呢個部位，睇中嘅是佢口感鮮滑唔油膩。經過繁複嘅燒制工序，將油膩逼出，歷練出一身金黃勻稱，表面酥脆而肉質鮮嫩。秒就秒喺，悄然無息中融入咗充滿夏日風情嘅椰子香氣，氣息好似遊絲咁，若隱若現，勾人細品。

椰汁靜默滲入嘅仲有海鮮燴飯。講到海島嘅主食，不免令人諗起菠蘿炒飯。但係麥師傅唔願意重蹈舊套路，佢用海南烙印極深嘅椰子水嚟配搭我哋熟悉嘅海鮮燴飯。即開嘅海南椰子水同上湯嘅清潤甘甜完全融入米飯，散發出誘人香氣，令人猶如置身椰林樹影、海風徐徐嘅亞熱帶海島，悠享舒心假期。呢個海鮮燴飯相當豐富，麥師傅精選肉質飽滿嘅海蝦仁、鮮帶子，令海產嘅鮮味融入米飯中。

椰盅嘅妙用，廣州人們最熟悉不過。文明路嗰家熟悉嘅椰子雞湯，就係用椰盅嚟裝湯水嘅。喺廣東人嘅飲食習慣入面「無湯不成席」，麥師傅於是構思出椰盅海南花豬燉遼參，佢特別精選嚟自海南，飽受豐沛日光洗禮嘅馳名花豬，加埋遼參，放入挖咗椰子肉嘅椰盅入面燉煮，湯汁清潤鮮甜，令人胃口大開。椰子嘅清香溫柔，都存封喺嗰份硬朗入面，就算唔用椰子汁同椰子肉，照樣椰清誘人。

和樂蟹係海南嘅另一種特色食材，更加係海南四大名菜之一，產于海南萬寧縣嘅和樂小海。佢係青蟹嘅一種，外殼堅硬，肉肥膏滿，優質嘅和樂蟹膏金黃油亮，唔輸鹹鴨蛋黃。和樂蟹本來係當地嘅家常食材，但係麥師傅就將佢精細化——鮮拆和樂蟹膏扣花膠：用新鮮拆取嘅和樂蟹膏搭配滋補養顏嘅花膠，鮮甜軟糯嘅豐富口感即刻打開食客嘅味蕾。

廣州日報全媒體文字記者：曾繁瑩
廣州日報全媒體圖片記者：曾繁瑩 部分圖片由受訪者提供
廣州日報全媒體視頻記者：曾繁瑩
廣州日報全媒體編輯：龍樂樂 王湘