年年此時，愛美食嘅品味人士就會掛著荔枝同埋荔枝菌嘞。雖然而家好多食材已經實現反季節，但荔枝菌就偏偏好固執，任為食嘅人類點樣琢磨，佢都將生長嘅「機密」死命收收埋埋。至今，荔枝菌仲係無辦法人工培植。於是，佢嘅擁躉就只能等待每年嘅一次短暫相逢，喺五六月呢個雨水充沛嘅季節，先至有得食。

素來有著「嶺南菌王」美稱嘅荔枝菌，每年農曆五月初一開始到荔枝成熟結果嘅時段，就係佢嘅成熟時間，喺端午節賽龍舟聲嘅伴隨下與食客見面，但每年都曇花一現，頂多一個月左右。好多人誤以為荔枝菌與荔枝這種果實有關，認為佢係荔枝嘅衍生物，但其實並唔係咁。荔枝菌生長喺荔枝林潮濕嘅白蟻窩上面，喺高溫多雨嘅天氣下快速生長。據售賣荔枝菌多年嘅阮先生介紹，荔枝菌採摘必須喺凌晨時分，六點前最佳，因為陽光會使菌傘上嘅水分蒸發，影響口感；採摘時都有「竅門」，絕對唔可以用鏟來挖，以免驚動白蟻，如果將白蟻打散咗，來年就咪使指望呢度仲產荔枝菌嘞。挖荔枝菌嘅時候，一定要用竹籤細心咁將菌挑出來。

荔枝菌有優劣之分。阮生教路，睇菌腳就可以辨別。如果菌腳連著菌傘嘅地方呈黑白色，部位飽滿，咁這支荔枝菌就口感爽脆；若果呈黃泥色，業內稱之為黃泥梗，質地偏硬。每日荔枝菌送到店中，用軟牙刷刷走啲泥，菌柄手撕，以免沾染上其他氣味。荔枝菌做法多樣，可以農家雞來蒸，可以原味蒸，又可以與肥厚鮮美嘅水蚌一同浸湯，或者清水打邊爐原滋原味食，都得。

廣州日報全媒體文字記者：曾繁瑩
廣州日報全媒體圖片記者：曾繁瑩
廣州日報全媒體視頻記者：曾繁瑩、王維宣
廣州日報全媒體編輯：鄺白薇