進入5月下旬，又到各種水果成熟嘅季節，荔枝、楊梅、三華李、桃子成為熱選品種，見到都流曬口水。對於鐘意水果嘅遊客來講，最過癮嘅食法當然係親自去到果園，喺果樹下任摘任吃啦裏。同時仲可以去森林或鄉村避暑、玩水，歎美食。呢個夏天，從廣州出發，自駕摘果周邊游，一定係「識玩識食」嘅熱門選擇。
| 中山摘菠蘿 連空氣都香甜
去邊度摘：中山市神灣鎮
佳果品種：菠蘿、火龍果等
又到咗神灣菠蘿採摘和品嘗嘅最佳時節。神灣背山面海，雨水充沛，土地肥沃，特別適宜菠蘿生長。神灣菠蘿一般每個重一斤左右，色澤金黃，皮薄肉厚，爽脆無渣，甜蜜清香而又無酸味，食完齒頰留香。
每年5月到8月，遊客都可以喺丫髻山一帶嘅果園摘神灣菠蘿。喺神灣鎮嘅丫髻山、鐵爐山、饅頭山，可以看到漫山遍野嘅菠蘿，變成名副其實嘅「菠蘿山」，置身其中，感覺呼吸嘅空氣都帶著濃郁嘅香甜。喺呢度，仲可以拍出「水果」大片添，仲有農戶辛苦種植、採摘嘅畫面，都係唔錯嘅構圖。丫髻山山下有唔少果園，種植嘅水果有紫心火龍果、菠蘿蜜、龍眼、荔枝等，都可以喺果園裡面現摘現食，大快朵頤。
當地人教路，神灣菠蘿嘅食法有四種：一係去皮鮮食，神灣菠蘿不需要蘸鹽水食，入口滿嘴芳香；二係榨汁鮮飲，消暑解渴，香味濃郁；三係烹製成菠蘿雞，呢道菜已經成為當地嘅名菜；四係製成罐頭，又係一種唔錯嘅手信。當地仲有神灣菠蘿包、神灣菠蘿千層糕、神灣菠蘿雞蛋仔、神灣菠蘿章魚小丸子、神灣菠蘿冰等各種菠蘿美食。
神灣鎮丫髻山主峰海拔386米，係神灣鎮嘅最高點。之所以稱丫髻山，係因為佢嘅頂峰比周邊山峰高出好多，遠遠睇起身就好似係女仔頭上嘅髮髻，而丫髻落日，就係一道唔可以錯過嘅迷人景致。
·出遊貼士：從廣州出發，走廣珠西線可直達神灣鎮，全程約1小時。可以前往中山、開平等地聯游。
| 流溪河畔摘果 嘗從化5道菜
去邊度摘：從化
佳果品種： 楊梅、三華李、荔枝
而家已經進入採摘楊梅嘅最佳季節，從化區良口鎮黃龍帶嘅楊梅，連綿蜿蜒近萬畝，主要分佈喺聯群村、勝塘村、梅樹、聯平村等地。當地楊梅嘅品種有「黑珍珠」「大紅牛」「丁坳梅」等，滿山熟透嘅楊梅映襯著湖水，景色非常靚。順著山間小路蜿蜒而上，楊梅就喺山路邊，伸手可及。但係，為咗食到最甜嘅楊梅，就唔好驚爬樹。坐喺樹杈間，揀果啲紅得發黑、發紫但依然硬實嘅楊梅，摘一粒擺落口，感覺鮮甜、美妙，呢啲先至係是鄉村旅行最大嘅樂趣。
喺從化，除咗可以摘楊梅，仲有三華李和荔技。從化溪頭村就有好多水果可以摘，進入5月，酸甜爽脆嘅三華李陸續上市。新鮮從樹上摘落來嘅三華李，新鮮多汁，有啲仲未完全熟透，嫩綠嘅果皮之中透出迷人嘅紅暈，有啲整個果實都紅卟卟，抹著一層淡淡嘅白霜，仲有玫紅嘅果肉，相當誘人……摘完三華李，可以沿著溪頭村環線徒步。
廣州從化荔枝品種有40幾種，荔枝採摘期從5月就開始，「三月紅」係從化最早成熟嘅荔枝品種，每年5月初就成熟上市。另外，錢崗糯米糍、流溪桂味、井崗紅糯、雙殼槐枝4個優質晚熟品種，果期一般就喺6月中旬至7月底。
·出遊貼士：揸車從廣州出發經機場高速、大廣高速，從良口出口駛出，轉入湖區旅遊路，就可抵達黃龍帶地區。中午不妨喺溪頭村品嘗正宗嘅從化5道菜：桂峰釀豆腐、香葉烏鬃鵝、流溪大魚頭、呂田燜大肉和泥焗走地雞。
| 粵西玩水 大啖荔枝香
去邊度摘：茂名高州
佳果品種：荔枝、三華李
2020年中國荔枝產業大會5月20日喺茂名開幕。茂名係全世界最大嘅荔枝連片生產基地，面積大、品種多、上市早、品質優良。
一直以來，茂明有「大唐荔鄉」「濱海綠城」等美譽。其中，高州根子鎮全鎮荔枝總面積達0.41萬公頃，根子荔枝品種齊全，有白糖罌、白臘、黑葉、桂味、糯米糍、妃子笑、三月紅等十幾個品種。根子荔枝成熟期比其他荔枝產區早30天左右，早熟質優嘅荔枝品種白糖罌，果大核小、色艷皮薄、肉質爽脆、味道清甜，被評為中國名牌產品，獲國家綠色食品認證。
而家，根子鎮已初現大唐荔鄉嘅美景，水墨橋頭、濱水碧道、風雨廊橋、望仙亭等，與相鄰嘅貢園、紅荔閣、浮山嶺，形成富有荔鄉特色嘅鄉村旅遊風景帶。根子鎮已成為遊客休閑度假、感受千年荔枝文化嘅旅遊目的地。根子鎮橋頭村更加係成為茂名鄉村旅遊嘅網紅打卡點。
從高州出發，仲可以前往信宜錢排鎮聯游。每年6月間，這呢度都舉辦風情李鄉「銀妃」品果節。屆時將有果王公益拍賣會、民間飄色等精彩表演。之後可以去浪漫海岸、放雞島等海邊玩水。
·出遊貼士：駕車從廣明高速轉汕湛高速，前往高州。
| 春蜜桃成熟時 「好山好水好享壽」
去邊度摘：清遠連州
佳果品種：蜜桃
時下正值瓜果成熟期，連州嘅果農亦迎來收穫嘅季節，其中大山地桃園佔地面積1000畝。5月中旬開始，熟透嘅春蜜桃簇滿枝頭，果實喺枝間綠葉叢中若隱若現。大山地桃園位於連州市九陂鎮大山地，距連州市區18公里，呢度種植有近300畝嘅春蜜桃。春蜜桃係白肉桃品種，果皮底色乳白，成熟後會變成全紅色，肉質細嫩、風味濃甜，五月中旬成熟。
連州係中國長壽之鄉，獨特嘅地理位置造就晝夜溫差大嘅氣候，相比其他地區，連州嘅桃糖分更足、味道更甜。5月中旬係春蜜桃嘅成熟期，連州鷹嘴桃、水晶梨也喺六七月相繼成熟。
「好山好水好享壽」，連州係夏日必去嘅避暑之地。國家5A級景區連州地下河、湟川三峽·龍潭度假區都係周邊嘅好去處。
·出遊貼士：揸車從廣州出發，走清連高速，喺連州出口駛出，轉X389，見到深沖村指路牌（直行前往湟川三峽·龍潭度假區），右轉過新民村農村服務中心之後，喺第一個分叉口右轉500米，即到果場。
廣州日報全媒體文字記者 羅磊
廣州日報全媒體圖片記者 羅磊
廣州日報全媒體編輯 鄺白薇