新華社北京電 “港你知”，用粵語讀與“講你知”諧音。“聽過粵語歌、睇過TVB電視劇嘅內地同胞對呢幾個字耳熟能詳，即使唔識粵語，一聽呢個名亦會會心一笑。”香港青年劉奮洋因此用“港你知”為佢創辦嘅粵語培訓機構命名。

2013年，劉奮洋攞出全部積蓄喺上海創辦“港你知”。面對外界質疑“太冷門”，劉奮洋自有主見：內地好多民眾有涉港澳業務，亦有唔少人想了解香港文化。

耕耘七年，“港你知”從兩人班子已擴展為成熟團隊，喺北京、上海設立兩個學習中心。因應內地互聯網知識平臺興起，佢哋仲建立起自己嘅APP平臺，在線業務覆蓋30幾個省市，學員達3萬人次，並同多個知名音視頻網站和培訓平臺建立合作。

“港你知”課程越來越多樣，除咗核心課程外，仲提供“兒童粵語班”“企業培訓”“留學香港粵語班”“香港粵語正音班”“1對1”等精品課程，亦開設咗“粵菜烹飪課程”“內地香港文化差異課程”。

劉奮洋話，粵語保留咗好多古漢語特色，譬如有“九聲六調”，吟哦古詩詞別有韻味。“而家一啲香港年輕人未必意識到粵語係中國傳統文化嘅一部分，我哋做粵語教育，亦希望能借由更多內地同胞講粵語，來擴大中國傳統文化教育嘅基礎。”

“回歸祖國之後，香港同胞掀起學習普通話嘅熱潮。而內地同胞學粵語，可以更好促進兩地雙向交流。大家用對方熟悉嘅語言多溝通、多理解，更加能夠觸動彼此內心。”佢話。

呢次新冠肺炎疫情對“港你知”造成一定衝擊，劉奮洋坦言，目前業務下降咗四五成，但幸而前幾年布局線上業務已有基礎，“我哋有信心撐落去”。

“港你知”早喺2月就推出疫情常用粵語詞，為喺港澳工作嘅內地民眾提供便利，用特殊方式為抗疫出力。

內地語言培訓機構新東方教育科技集團係“港你知”嘅榜樣，創始人俞敏洪著有《願你的青春不負夢想》。劉奮洋覺得，自己喺內地嘅奮鬥歲月，正係不負夢想。從“冷門”裡頭“掘金”，呢個香港青年睇到更大嘅機遇，佢有志打造全國規模最大嘅香港文化綜合平臺，仲有“出海”嘅雄心。

劉奮洋表示，粵語唔單只喺港澳通用，全世界好多地方嘅華僑華人都講粵語。近年喺“一帶一路”倡議推進、中國企業“走出去”嘅大趨勢下，學習粵語嘅需求亦越來越多。

“香港可成為‘一帶一路’沿線國家、地區與中國內地之間嘅‘超級聯係人’。目前，我哋有5%嘅學員來自歐美等海外，我哋希望擴大海外客戶群，推出用英語教習粵語等服務，更好咁樣弘揚中華文化。”劉奮洋話。

“喺內地多年，我對祖國歷史有更深切嘅認知。希望香港年輕人有機會多到內地來睇下，或者試下來工作、生活、創業，俾自己嘅人生多一個選擇。咁樣唔單只為自己嘅人生帶來價值，亦能夠更好咁承擔國家責任、青年責任。”劉奮洋話。

來源：新華社
廣州日報全媒體編輯：鄺白薇