白雲山係廣州嘅綠肺，亦係廣州人最熟悉嘅「老朋友」。

不過，呢個「老朋友」最近就有唔少新變化，近一年來，白雲山還綠於民工程開展得如火如荼，變化每日都喺度發生。

隨着白雲山麓湖越秀山連通工程6.2公里主體工程、配套綠化基本完成，絕美空中步道和嶺南特色門崗在蜿蜒山林間露出真容，並於清明節期間試開放。

除了「五一」正式開放嘅雲道，典雅大氣嘅新門崗也十分搶眼。白雲山「山門」的提升改造工程可謂匯聚嶺南建築界的「最強大腦」。

前段時間，廣州市人民政府新聞辦公室舉行的廣州市第76場疫情防控新聞發佈活動，就將發佈廳搬到了白雲山！

在白雲山間，一步一景，何鏡堂院士領銜的專家團隊深入一個個白雲山新門崗，詳解嶺南特色「一門一景」背後的設計理念。

越秀山「牽手」白雲山

遊客提前體驗「雲道」

被網友們稱為廣州首條「空中步道」嘅雲道試驗段——白雲山麓湖越秀山連通工程6.2公里主體工程、配套綠化已基本完成，實現了越秀山「牽手」白雲山。

清明期間，連通工程開始試開放，市民遊客可提前體驗「雲道」樂趣。

呢一日，廣州天氣晴朗，記者來到已經試開通嘅「雲道」越秀公園北門至花果山公園段，唔少市民已經前來嘗鮮。踏上雲道要過兩道關，測量體溫同時出示穗康碼即可進入園區。

由於「雲道」喺花果山附近有一段圓形嘅引橋設計，正對着越秀山和花果山兩座電視塔，唔少市民都係第一次企喺呢個角度欣賞廣州熟悉嘅景觀，好多人影忍唔住影返張靚相。

雲道「五一」正式開放，市民可以步行從傳統城市中心的中山紀念堂、越秀公園、花果山到達麓湖，將來可以步行暢達廣州花園、「綠肺」白雲山。

白雲山山門全新亮相

除咗雲道，典雅大氣的新門崗十分搶眼。

這次對白雲山門崗進行優化設計，建設規模約20萬平方米，包括7個主要門崗和10個次要門崗。

白雲山主要門崗由何鏡堂院士領銜4位建築大師團隊，組成臨時工作室，按照一門一策、一門一景的思路，打造彰顯嶺南特色的標識性門崗。

【大師帶路，移步易景，新山門逐個數！】

五一期間，白雲山4大門崗新亮相，分別係：

西門崗、柯子嶺門崗、翠竹園門崗、東門崗（梅花園門）

白雲山7個主要門崗：

南門崗、西門崗、柯子嶺門崗、翠竹園門崗、北門崗、東北門崗（雲祥路門）、東門崗（梅花園門）

南門——「最門戶」

亮點：打造「雲間花海」新南門，係建築，亦係雕塑。

設計團隊：何鏡堂團隊

來到廣州雲台花園附近的白雲山南門，雖然南門嘅整體改造仍未開始，不過，企喺南門附近拆違復綠嘅草坪上，似乎已經可以想見未來呢度嘅變化之大。

「白雲山南門係白雲山公園嘅門戶，呢個區域非常重要，佢唔單只係一座山門，而係一個整體，一個空間。」何鏡堂院士詳細解釋了白雲山南門改造嘅設計理念。改造過程中，團隊嘅目標係希望山門更具標識性，也兼具功能性，要把南門景區打造成一個集入口購票、休閑交流嘅地方。

下圖一：改造前；下圖二：改造效果圖

整體改造中，點睛之筆正係被稱作「雲間花海」嘅白雲山南門門崗。喺何鏡堂心中，新南門將體現廣州「雲山珠水」之秀嘅地域文化特色，取白雲之意，構嶺南之風，既係雕塑，亦係建築。大門形態自由靈動，好似流動嘅雲朵漂浮於重巒疊翠之間。

白天，陽光傾灑，好似一把把散開嘅雲傘，地面光影斑駁。晚間，華燈初起，雲間木棉花通過燈光裝置映像出來，如同一朵朵木棉喺雲間綻放跳動。

為咗增強南門作為白雲山景區主入口嘅標識性，新設計專門把位於大榕樹後方嘅門樓前移40米，成為統領整個南門集散廣場、指引上山遊客嘅重要景觀地標。隨着門樓前移，白雲山南路也分成3個景觀特色唔同嘅區域。

何鏡堂介紹：

第1個區域是進行曲線設計嘅台地式集散廣場，市民可以喺呢度拾級而上，行入白雲山門。「呢度為遊客上山提供一個觀景、影相、漫步上山嘅前導空間。」

第2個區域係中集散廣場，呢度整合咗門樓、山門等景觀，布置了檢票集散區、雲傘休息區、廣場附屬功能服務樓、眺望廣州花園嘅休閑茶座等功能，為遊客提供一個滿足各自服務需求，可短暫停留觀景嘅區域。

第3個區域係後電瓶車廣場區，呢度將利用地形建設停車樓，實現白雲山南路交通網東移，人車分流嘅目標。

西門——最穩重

亮點：優化遊客配套服務，做廣州人背後嘅「靠山」。

設計團隊：郭明卓團隊

從造型來睇，白雲山西門依然係一座高大穩重嘅門樓，同原來嘅「山·門」概念一脈相承。

而喺傳承中，新山門也有新意巧思。

全國工程勘察設計大師、廣州市設計院顧問總建築師郭明卓介紹，西門崗喺白雲大道上，前面比較開闊，地勢平坦，所以佢可以「放手」將西門崗做成大體量的嘅標誌性建築。

從細節睇，新門崗採取傳統坡頂，但用咗現代結構和材料來演繹——上面係玻璃頂、整體係鋼結構。

值得一提嘅係，新門崗喺完善服務配套和優化入口空間上做足功夫。原門崗配套設施不足，服務功能唔完善，廁所和電瓶車候車棚等設施陳舊，無法滿足市民需求。本次改造新建遊客服務中心180平方米及附屬功能建築330平方米，擴容入口公廁至170平方米，布置景觀亭廊和樹池坐凳，完善配套指引和標識，全面提升遊客的便利舒適度和體驗滿意度。

此外，原門崗建築被鬱閉綠化遮擋，景觀雜亂，廣場標識性較弱，缺少吸引遊客駐足逗留嘅空間。本次改造將鬱閉綠化帶改造為慢行景觀帶，市民廣場由4458平方米擴容至11245平方米，完成綠化面積6千平方米，建成具有體驗性和層次感的集散空間；同時優化交通組織，實施人車分流，將白雲山西門打造成優質旅遊觀光點。

柯子嶺門——最巧合

亮點：空中俯瞰柯子嶺新山門，如同五羊雕塑。

設計團隊：陳雄

喺大金鐘路上嘅柯子嶺門崗，曾一直因為地形導致門崗門戶界面狹窄，山門又正好直面立交橋，好容易令人忽略。

改造前的柯子嶺門崗：

不過，廣東省建築設計研究院副院長，國家勘察設計大師陳雄團隊卻恰恰以此作為改造原點，因山就勢、因地制宜，新建了242米的輕盈流暢景觀迴廊，讓人耳目一新。

驟眼一望落去，柯子嶺門崗如同「行雲·流水」，呢個亦係佢嘅設計理念。

以雲作為場地嘅肌理元素, 塑造雲廊，打造似流水般嘅步道和展現山谷間緩緩流水之空間意境。

事實上，雲廊嘅設計，絕不僅僅是為了美觀。陳雄說，廣東地區雨水比較多，天氣也比較熱，有咁樣嘅半室外空間，既可以遮風擋雨，又可以遮陽防晒，仲通風透氣，景觀與周圍嘅自然連成一體，讓整個活動場地實現很好的品質提升。

不過，更讓人驚艷嘅係，原本狹長嘅遊客通行通道，宜家成為一處別緻嘅社區公園。陳雄介紹，本次改造後移門崗，擴大前廣場，拓寬入口敞開面至110米，重塑柯子嶺山路前導空間，設置多層次立體活動平台，提供集娛樂、運動、交流於一體嘅場所，增強市民參與感和獲得感，真正實現「還綠於民、還景於民」嘅願景。「門崗嘅面積增加咗一倍多。」

從空中俯瞰柯子嶺門崗，蜿蜒嘅迴廊就好似羊角，令呢個新山門睇上去既似五羊雕塑，又似一隻羊頭，似乎喺度默默訴說廣州與五羊城嘅歷史淵源。不過，陳雄笑言，其實呢個只係巧合。「我哋喺設計嘅時候並冇打算做出羊頭嘅效果，從設計上我哋仲係主要考慮點樣與環境結合提升品質，希望為廣大市民提供一個可以進行公共活動嘅空間。」

翠竹園門崗——最自然

亮點：以自然山石為靈感，呈現山水結合詩意景觀

設計團隊：冼劍雄團隊

喺眾多改造嘅山門中，位於白雲山西門附近嘅翠竹園門崗，可能係最不為人知嘅一個。不過，改造過後驚艷亮相嘅呢座山門，可以話係變化最大嘅山門，被唔少市民稱為最有「網紅」潛質。

似門非門，

夢幻又好莊嚴，

係不少人對呢座新山門嘅評價。

我哋來睇下……

走進新翠竹園門崗，通體簡潔素白，立體嘅截面外觀睇起身似自然而生嘅山石紋路，中間則巧妙運用少見嘅整面玻璃牆，上書白色字體的白雲山。背靠高闊嘅藍天白雲和竹林，一旁繁花曲水繞山門而過，讓人剛入山門就感到山水之美。

呢座新山門背後，又有點樣嘅故事？來聽設計師詳解……

團隊成員、廣州市冼劍雄聯合建築設計事務所主任建築師程路話，相比其它幾個門崗，翠竹園門崗用儘可能貼近自然嘅手法去打造一個端莊大氣嘅山門形象，令佢接近自然生成嘅感覺。翠竹園門並不喺大馬路外面，和其它門崗有所區別，整體更貼近自然，展現出與自然非常統一、與周邊環境非常和諧嘅狀態。

而為咗達到咁樣嘅效果，團隊付出了重重努力。

程路話，剛接手項目嘅時候發現翠竹園門崗原來主要有兩大問題：一係進山道路比較長，原來嘅門崗是好細嘅一個崗亭，睇起來昭示性唔高；二係進山道路窄，道路兩旁分別係擋土牆和一D雜木，遊客嘅進山體驗唔好。

為咗改變呢兩個問題，冼劍雄團隊先將進山道路一邊嘅樹木清雜，將原來嘅相思河河道進行開拓改造，令道路更親近水體，形成自然通透嘅水岸綠地空間，俾市民同景觀、自然嘅互動大大提高。「而家可以見到，進山道路採用了『先抑後揚』嘅景觀布置：市民一開始行入來嘅時候，係一個比較窄嘅通道，越到後面寬度就越大，同時可以同景觀互動嘅區域亦都越來越多。」程路話。

點解呢座山門睇起來與自然渾然一體？

程路話，門崗主體材料外側係花崗岩，造型利用現代嘅截面形式，打造出與自然和諧統一嘅效果。

睇呢D花崗岩，真係有種「山石」嘅感覺！

玻璃上嘅「白雲山」同樣讓人彷好似與自然融為一體。程路解釋，佢哋冇選擇將「白雲山」呢三個字橫放喺門頂上，而係放喺玻璃里面，就係希望去掉「雕琢感」和「突兀感」。

新山門出自不同大師之手，如何「和而不同」？

睇咗咁多座山門，雖然七大門崗分別由五位大師團隊去完成設計，但風格仍然係「和而不同」。程路介紹，山門改造總嘅原則是同白雲山嘅整體形象和諧統一，但展現方式可以各有不同。

為此，幾個團隊喺前期會進行研討，對各個門崗嘅初步方案有所了解，吸收各個門崗嘅設計理念，後期選定方案之後就各自深化。「分別打造門崗嘅初衷是希望風格不要太統一，可以有『和而不同』嘅概念。」程路說。

廣州市林業和園林局副局長吳敏則坦言，呢一次政府項目喺工作方式上亦有所創新，每個大門嘅設計由大師們各自負責和拍板，按照自己嘅理解去設計。「事實證明，呢種開放嘅工作機制讓每個大師都展現咗自己嘅風采，取得好好嘅成果，佢哋嘅作品比想像嘅都好。」

她說，白雲山是廣州嘅山，佢喺每一位大師心目中都唔一樣，佢哋有自己嘅方式詮釋佢、守護佢，有人認為係雲，有人認為係其它，都非常有創意。佢哋有D手法好現代，有D手法好有嶺南特色，大師們嘅工作方式和設計作品都展現咗廣府文化嘅特點：兼容並蓄。「白雲山亦係市民嘅山，希望大家一齊更好咁愛護佢。」

喺何鏡堂睇來，廣州嘅白雲山還綠於民工程，既係打造粵港澳大灣區宜居宜業宜游嘅優質生活圈，亦是廣州「老城市、新活力」嘅具體舉措。「廣州係一座有2000幾年歷史嘅文化名城，最大嘅資源環境特點就係雲山珠水，通過改造，美好嘅環境更加深入人心，亦更加令人耳目一新。」

數說白雲山變化

一年多來，廣州重點整治白雲山紅線內及主要門崗和進山通道周邊，共拆除紅線內及主要門崗周邊、進山通道兩側違法建設和影響景觀建築51.05萬平方米，其中紅線內拆除12.64萬平方米，緩衝區拆除38.41萬平方米，尤其是敢啃「硬骨頭」，拆除了困擾20多年的大缽盂18棟歷史違建以及白雲山南門、叢雲路、永泰地鐵口等違法建設，打通了白雲山視廊通道，初步實現了拆違復綠，顯山露水。

雲道試驗段基本建成，越秀山「牽手」白雲山。白雲山麓湖越秀山連通工程6.2公里主體工程、配套綠化已基本完成，正在完善相關配套設施。連通工程已於清明期間試開放，「五一」正式開放，市民可以步行從傳統城市中心的中山紀念堂、越秀公園、花果山到達麓湖，將來可以步行暢達廣州花園、「綠肺」白雲山。

白雲山主要門崗凸顯嶺南特色。白雲山主要門崗由何鏡堂院士領銜的廣州地區大師團隊按照一門一策、一門一景思路，打造彰顯嶺南特色的標識性門崗。新建成的柯子嶺門、西門、翠竹園門等白雲山門崗通過大尺度增加綠色開敞空間，視線開闊，依山就勢，大氣恢弘，與白雲山景融於一體，令人耳目一新。

此外，白雲山南門、西門、北門、柯子嶺門、翠竹園門、梅花園門等6條主要進山通道路面、人行道、綠化及沿線建築整飾已完成，實現綠化美化凈化亮化。白雲山周邊綠化美化水平明顯提升，新增綠化面積6.2萬平方米，建成白雲山周邊緩跑徑2.6公里。通過堅持拆違復綠，白雲山紅線內及主要門崗周邊復綠8.92萬平方米。白雲山南門區域原金貴停車場、雙燕停車場及違建商鋪，環境髒亂差，嚴重影響白雲山形象，拆違復綠後，新增綠化面積1.7萬平方米，環境面貌煥然一新，深受市民群眾歡迎。

統籌：廣州日報五號樓工作室
廣州日報全媒體文字記者：申卉、張姝泓
廣州日報全媒體圖片記者：王燕、駱昌威、申卉、張姝泓
廣州日報全媒體編輯：鄺白薇