假期大家都想出去玩，但又驚人太多，其實廣州及周邊，都有唔少人少景靚嘅小眾地方同玩法，涵蓋戶外、鄉村、文藝、親水等主題，啱曬假期出遊散心。

|廣州北部、東部

 主題：生態、戶外運動、攝影等

·從化區：漫步濕地公園 歎帳篷下午茶

從都濕地公園（資料圖片）

推薦玩法：「水清岸綠、魚翔淺底、水草豐美、白鷺成群」，揸車去從化，沿着流溪河，一路都係美景。最近從化又多咗一啲俾你吸氧「洗肺」、鬆一鬆嘅好地方——濕地公園，其中，流溪河從都濕地公園景緻獨特，縱橫交匯嘅湖泊水道，綠意盎然嘅觀賞植物，自然又精緻。整潔寬闊嘅慢行景觀道，從入口處延綿至公園遠處，遊人可以隨心而行，所到之處都係靚靚景緻，可以沿着湖邊繼續漫步，周遭散發着大自然嘅清香。

沿著濕地公園湖邊漫步（資料圖片）

除咗流溪河從都濕地公園，從化仲有溫泉濕地公園和風雲嶺濕地公園。特別係位於溫泉鎮嘅溫泉濕地公園，經過碧浪橋轉入溫泉西路，行一陣就可以到達，呢度嘅木棧道環園而建。園內綠化樹木以水杉和紫荊為主，紫荊樹榦直徑有大約10厘米。溫泉濕地公園平衡了生態養護和旅遊功能，有專門嘅區域供居民及遊客開展文體活動，大家可以喺呢度活動筋骨。濕地公園不單只佔地大，視野開闊而且人少，仲可以遠足、攝影，一家人可以放下風箏添。

碧水灣推出帳篷下午茶（資料圖片）

呢個五一假期，一定要試下流溪河畔嘅下午茶。碧水灣推出「帳篷下午茶」，喺流溪河畔或棕櫚林間，支起一頂帳篷，享受下悠然嘅下午茶時光，非常之愜意！碧水灣仲還為家庭親子游準備咗各式風箏，在酒店前台可以免費租賃。

遊玩完，仲可以喺附近品嘗農家美食。

·增城區：浸溫泉食農家菜 綠島踩單車

推薦玩法：唔想行咁遠，又想康養洗肺，不妨廣州東部嘅增城玩下。假期游增城，可以享受眾多優惠，仲可體驗多種文旅活動。譬如白水寨旅遊區景區，五一期間門票全票打八折；二龍山花園景區門票打四折；1978電影小鎮舉行漢服遊園秀、廣場經典老電影回放活動等。增城各酒店亦推出相應嘅優惠措施和超值套餐。

喺增城，特別適合戶外運動。增城荔湖、增江畫廊、蓮塘春色、各森林公園、文化公園、市民廣場等戶外開放式景點，係遊客遠足、呼吸新鮮空氣嘅好地方。

增城派潭

大家可以到白水寨片區，登高賞瀑布，或者喺附近嘅綠道踩單車，又可以去周邊嘅溫泉或者民宿。

增城美食

|周邊西部片區

 主題：文藝、鄉村、攝影

·珠海 水鄉賞藝術 遊走古驛道

推薦玩法：從廣州出發，走廣珠西線，途徑佛山、江門、中山等地前往珠海，一路好吃好玩，時間安排可長可短。

磚雕細節

首先可以先前往順德華僑城歡樂海岸PLUS，欣賞磚雕。出自磚雕「大國工匠」何世良之手嘅大型磚雕藝術品《鳳城大觀》喺曲水灣揭幕。呢個高8.5米、寬3米嘅大型磚雕歷時兩年創作完成，與狀元牌坊連成曲水灣之「點睛」風景線。呢幅作品採用磚雕藝術創作中少有的豎幅構圖，更具傳統山水畫的大氣韻味，作品從上到下，以正在表演粵劇和打永春嘅人物為近景入底部「畫面」，涉及約17個非常精細嘅人像雕刻，再由近及遠，加入嶺南建築、河流、小船等自然風光，層層推進。

之後一路向南，去人少景靚嘅古驛道漫步。其中，位於珠海嘅長南逕古道全長約6公里，現有遺存長度約4公里， 係古時香山地區南朗、上柵、官塘等村民往來前山、澳門嘅主要通道。古道有長南三孔橋、來儀亭、摩崖石刻、濕地、瀑布等古迹與景點，可從北師大旁舊UIC文化小鎮和會同古村進入；也可以從普陀寺進入。一路上泉水淙淙，古木蒼翠，群山連綿，相映成趣，令遊人心曠神怡。

長南逕古道

徒步之間，一幅幅歷史人文畫卷徐徐展開：擁有300幾年歷史嘅古橋長南三孔橋，掩映喺蒼翠古木中嘅來儀亭，繞池而建嘅五溪亭、聚賢亭、水庫遺址，清雍正三年嘅長南逕古道摩崖石刻……古道上保存完整嘅古石階步級，由人工開鑿嘅條石和自然塊石通過不同組合形式鋪築而成，並有完善嘅縱、橫溝排水系統。鋪築因形就勢，靈活多變，結構穩固，營造精巧，充分體現古人築路嘅理念和智慧。遊客可以搭乘公交車繼續前往鳳凰山山腳、會同村、唐家灣古鎮等。

·江門開平：探訪碉樓 玩轉小眾村落

開平市塘口鎮祖宅村（資料圖片）

推薦玩法：到廣東，游碉樓。自力村—強亞村—塘口空間一線係江門碉樓游嘅代表線路，身處呢條線上嘅自力村碉樓群係開平碉樓嘅代表，由曾經嘅塘口舊墟改造而成嘅塘口空間，而家打造成集活動、講座、住宿、旅遊、文創於一體嘅年輕人聚集地，堪稱「舊建築活化」嘅榜樣。假日期間，開平碉樓景區推出「鼓創5A」「二十四節氣金鼓迎賓」入園表演節目、非遺互動、碉樓講古、國學展示等活動。晚上可入住塘口空間民宿。

如果想尋覓古村，不試行咁遠，來開平市塘口鎮祖宅村睇睇。呢度非常安靜，好似一個令人嚮往嘅世外桃源。 祖宅村毗鄰世界文化遺產地——自力村，為塘口方氏開族之地。村內主要文物遺迹有不可移動文物燧成樓、文園、文調樓、羨成樓。特色嘅碉樓與周邊嘅竹林、綠樹自成一幅山水油畫，色彩斑斕。呢度唔單只有原生態嘅氣息，更有歷史韻味。

開平市塘口鎮祖宅村（資料圖片）

|周邊北部片區

主題：親水 刺激

·清遠：玩漂流、沙灘 歎贏得紅茶

推薦玩法：天氣開始慢慢熱起身，可能好多人都會想去玩玩水。廣東省內漂流企業最近陸續恢復開業，其中最具代表性嘅古龍峽漂流亦啱啱開漂。

古龍峽漂流

今年來呢度漂流，除咗刺激，仲有更多唔同嘅感受，因為新增咗唔少互動活動。 全新升級嘅古龍峽漂流河道，融入亞馬遜部落場景，仲有猩猩島鱷魚潭、恐龍谷等闖關體驗。全媒體記者特別提醒，參加漂流的遊客應該自備至少兩個口罩。

古龍峽峽谷徒步

對於親子家庭來說，自駕上大廣高速，2小時出頭就可以到清遠英德。位於英德市連江口鎮嘅大樟沙灘，係北江上嘅天然河岸淡水沙灘、河濱浴場。呢度有濕度啱啱好嘅沙灘，是小朋友搭建細沙城堡嘅天堂。仲有喺風中狂飆嘅越野車，係大人必玩嘅清涼項目。一家人喺英德仲可以飲下紅茶，去英西峰林騎行。

北江沙灘

出遊提醒：如果準備跨地區出遊，應該選擇近期沒有病例報告的地區，並且要提前聯繫景區，了解當地的疫情防控政策，按要求做好準備。此外，還需要準備一些口罩、消毒劑等物品，以備路上使用。旅行期間要做好防護，遊玩過程中在景區要有序排隊，人與人之間要保持距離，要養成良好的衛生習慣，隨時做好手衛生。外出旅遊應選擇衛生條件良好的賓館，入住後要開窗通風。旅途中若出現發熱、乾咳、乏力等癥狀，應到就近的醫療機構就診。

廣州日報全媒體文字記者：羅磊
廣州日報全媒體圖片記者：羅磊（資料圖片除外）
廣州日報全媒體編輯：鄺白薇