最近，廣州市文化廣電旅遊局推出咗8條特色鄉村旅遊線路，涉及增城、白雲、番禺、花都、南沙、從化等區，想趁假期去戶外領略鄉村美景，不妨睇下呢滴推薦線路，梗有一條啱你！

花都古村落

鄉村游係廣州嘅特色旅遊主題之一，數據統計，2019年全市鄉村旅遊共接待遊客1.23億人次，占廣州旅遊接待人數的47%。目前，廣州市13家鄉村旅遊景區被評為國家3A級以上旅遊景區，擁有36家市級星級農家樂及106個農業公園和農業公園創建單位。番禺區入選國家全域旅遊示範區，沙灣古鎮獲得首批廣東省旅遊風情小鎮，8個特色村獲得首批廣東省文化和旅遊特色村稱號。

市文廣旅局介紹，目前已推出首批6條廣州旅遊文化特色村，正在醞釀推出第二批11條特色村。

8條廣州市特色鄉村游線路 梗有一條啱你心水

·推薦線路一：黃埔古村史韻游

路線：深井古村—南灣水鄉—蓮塘村

線路簡介：昔年中原漢族向嶺南大遷移，喺南粵大地建起一個個獨特嘅古老村落。而家，呢D古村經過改造煥發新顏，依然保留咗極具嶺南特色嘅古老建築、傳承已久嘅民俗活動，可以感受到原汁原味嘅的鄉土古韻。行程輕鬆，可以分兩日遊覽。

·線路二：白雲親子休閒遊

路線：帽峰山—豐華園—廣州翼·空港文旅小鎮

簡介：行程輕鬆，適合親子。喺帽峰山，一家人既可呼吸新鮮空氣、強身健體，又可以飽覽四時之景，將美景盡收眼底。行完山，去試下當地出名嘅太和燒雞，再前往豐華生態園採摘瓜果，去廣州翼•空港文旅小鎮體驗豐富嘅親子遊樂項目，對培養親子默契度大有幫助。

·線路三：花都綠色田園游

路線：花山小鎮—融創樂園—晨采莊園—香草世界

簡介：呢條綠色田園游線路，以瓜果採摘、花海欣賞、遊樂體驗為主題，再加上充滿濃郁文藝氣息嘅古樸小鎮，田園慢生活以及豐富遊樂項目，特別適合周末出遊嘅親子家庭。行程體驗內容豐富，可以分為二日游或三日游。

·線路四：番禺農業生態游

路線：大嶺古村—蓮花山旅遊區—佳碩農莊—海鷗島

攝影：李波

簡介：番禺古村資源豐富，大嶺村係廣州首個國家級歷史文化名村，傳統建築保存完好。佳碩農莊瓜果滿枝頭，令人心情明亮。喺海鷗島踩單車，不單只可以飽覽生態美景，仲可以盡情享用海鮮大餐。呢條線路動靜結合，行程景觀集中，適合周末休閑生態游。如果有時間，仲可以前往蓮花山旅遊區登高祈福，試下特色齋菜。

·線路五：南沙親水鄉村游

路線：東涌水鄉—南沙水鳥世界生態園—南沙濕地公園

簡介：南沙地處珠江口，沿呢條線路遊覽，可以領略純粹嘅嶺南水鄉風情，品嘗水鄉富饒嘅瓜果特產，漫遊水鳥世界與廣州最大嘅濕地公園，親水鄉村令人流連忘返。

·線路六：從化古驛道游

路線：錢崗村—溪頭村—蓮麻村—錢崗村線路

簡介：從化境內嘅古驛道，係幾百年前通往廣府嘅官道，極具歷史文化內涵。錢崗古道，蓮麻古道，除咗相關遺址，古道串聯起嘅仲有眾多古村古宅。沿古驛道遊覽，探尋歷史和傳統。

蓮麻村（攝影：駱昌威）

·線路七：從化花果飄香游

路線：蜜山生態果庄—流溪河從都濕地公園—米埗綠道—西和風情小鎮—西塘童話小鎮線路

簡介：從化山水秀美，係廣州市區嘅後花園，民宿群嘅出現，令到鄉村更加美麗宜居。呢條線路主題鮮明，集聚多個花果種養基地、田園風光帶。遊客可遊覽從化嘅山水風光，亦可漫步浪漫花海、金黃稻田，仲可以深入果園採摘瓜果，嘗鄉村淳樸味道，尤其適合親子家庭。呢條線路景觀豐富，體驗項目多，可以分兩日遊覽，體驗鄉村精品民宿。

·線路八：增城生態養生游

路線：白水寨風景名勝區—蒙花布村—正果老街

簡介：呢條線路聯起白水寨、蒙花布村與正果老街，有山水有花海有美食，更展現增城嘅歷史文化及民俗風情。

攝影：喬軍偉

廣州日報全媒體文字記者：陳薇薇 陳馨 通訊員 穗文廣旅宣
廣州日報全媒體圖片記者：王燕 陳薇薇 陳馨（除署名外）
廣州日報全媒體編輯：鄺白薇